සෙනෙහසින් ඉගිමැරූ දෙනෙත් මත
කිමද අද වෛරයේ රුදුරු ගිනි
සත්තමයි ආත්මෙන් ආත්මෙට
ඔබවමයි පැතුවෙ මගෙ ලෝකයට…..
ආදරෙයි සදාකල් මං නුඹට…
ඔබට කැප වූ මගේ ගතද සිත
වෙනකෙකුට පිදූ බව කියන්නට
වෙහෙස වෙන නීති මුදලාලිලා
දන්නෙ කොහොමද අපේ සෙනේහය….
මං නුඹට පෙම් කෙරූ විලාසය…
ළයෙහි හිස හොවා මා සැනසවූ
වදන්වැල් අමුතු වී වියරු වී
විනිසුරන් ඉදිරියෙහි ඇද හැලෙනු
අසා ඉමි අසිහියෙන්…..
ඔබෙ සුවද එවේලෙත් මං ළගය….
ඇය වෙතට ඇදී ගිය ඔබේ සිත
තවත් රදවා ගන්න ඇවැසි නැත
ඔබට සතුටක් සුවක් දැනේනම්
මගේ පෙම ඒ නමින් පුදන්නෙමි…
දුක දරා මං තනිව හිදින්නෙමි…..
</a
Posted by මම දන්නේ නෑ on 24/03/2010 at ප.ව. 4:21
මේ කවියත් ගොඩාක් ලස්සනයි…එත් වෙදනවක්දැනෙන්වා කියවද්දි…
ඔයාගේ අත්දැකිමක් නොවෙවා කියලා ප්රාර්තනා කරනවා….
Posted by යෝගී on 24/03/2010 at ප.ව. 4:48
” ඔබට සතුටක් සුවක් දැනේනම්
මගේ පෙම ඒ නමින් පුදන්නෙමි…
දුක දරා මං තනිව හිදින්නෙමි… ”
ඒක තමා ආදරේ කියන්නේ නේද ? ඒත් , මේක දකින අහන කාගෙවත් අත්දැකීමක් නොවේවා කියලා පතනවා !
-ජය
Posted by srisenadheera on 25/03/2010 at පෙ.ව. 6:59
දික්කසාදයෙන් කෙලවර වුනු විවාහවල දෙපාර්ශවයම අවසානයේ දුක් වෙනවා කියලා මට හිතුනා….ඒකයි කවියට හේතුව…..මගේ පැතුමත් කාටවත්ම ඒ දුක උරුම නොවේවා කියන එක තමයි…..සිත්මල්යායට මුල්ම ආශිර්වාදය ඔයාගේ….ඒ නිසා ඒකෙ සාර්ථකත්වයට ඔයත් හේතුවක්….
Posted by යෝගී on 25/03/2010 at පෙ.ව. 7:12
මට හරි වැඩේ තමයි උනේ..
ඔයාගේ ” නවතම ප්රතිචාර” කියන කොටසේ මං එකපාරටම දැක්කා මෙහෙම
” යෝගී on දික්කසාදය……… ”
අපේ හාමිනේ එහෙම වැරදිලාවත් දැක්කනං මළා !..
Posted by srisenadheera on 25/03/2010 at පෙ.ව. 8:53
ඒ විතරක්යැ ඔය තියෙන්නෙ srisenadheera onදික්කසාදය කියලත්…මාත් ඒක දැක්කේ දැන්……..