Archive for පෙබරවාරි, 2010

ඔබම වෙනුවෙන්……….

තරිදු ඔබ නම් අහස දිදුලන

ළංව හිනැහෙන තරු කැකුල වෙමි

ඔබේ සිහිලැල් කිරණෙ රැදෙමින්

සදා ඔබ හට තනි රකින්නෙමි……….

නදිය ඔබ නම් ගලා බස්නා

ඉවුර වී මා ළගින් ඉන්නෙමි

ඔබෙ සිහිල් දියදහරෙ වෙලෙමින්

සේදි සේදී ඔබට එක්වෙමි………..

පැතුම් ඔබ හද පිරවෙනා කල

පියුම වී දෝතෙහි පිපෙන්නෙමි

ඔබේ පැතුමන් ඉටු කරන්නට

බුදුන් පාමුල පිදී පරවෙමි………..

අළු දෑස තුල දුක පිරෙනදා

සිනාවක් වී මුව රැදෙන්නෙමි

ඔබේ කදුළුත් නෙතට අරගෙන

දෑස දියවෙන තුරු හඩන්නෙමි………….

විසල් සෙනෙහස් ගග සිදුන දා

මගේ සතුටද ඔබට දන්දෙමි

බලා එකමෙක වරක් ඔය මුව

ඔබම වෙනුවෙන් මිය ඇදෙන්නෙමි……….

කාර්යාලයේ වැඩ අඩු දවසක් අද…….ටිකා….ක් විතර කම්මැලියි……..ඒ නිසා ඔන්න මගේ නිර්මාණයක් එක් කලා……..

සුභ දවසක් හැමෝටම……..

මම ශ්‍රියාණී.ශ්‍රියාණී සේනාධීර.ගොඩක් වැඩ අස්සෙ ටිකක් ලියන්නයි අදහස.මගේ ගම  ලස්සන ගමක් .වාසනාවට රැකියාවත් ලැබුණේ ගමටමයි. ඉතිං ගොඩක් සතුටින් රැකියාව කරගෙන ඉන්නවා.රාජ්‍ය සේවයේ මහජනතාවට ඉතාම සමීප කාර්යාලයක සේවය කරන්න ලැබීම නිසා ලැබෙන අත්දැකීම් නම් බොහෝමයි.සමහර ඒවා සුන්දරයි.සමහරක් නම් දුක්බරයි. බලාපොරොත්තුව ඒ අත්දැකීම් ඔයාලත් එක්ක බෙදාහදා ගන්නයි.

මම මේ බ්ලොග් කෙෂ්ත්‍රයට නම් අළුත්.ඒ හින්දා ලියද්දි ගොඩක් අඩුපාඩු නම් තියේවී.ඒවා නිවැරදි කරගන්න හැමෝම මට උදව් කරයි කියලා බලාපොරොත්තු වෙනවා.බ්ලොග් එකක් අරඹන්න උදව් කරපු කාර්යාල මිතුරන්ටත් ස්තූති කරන්න මේක අවස්ථාවක් කර ගන්නවා……….එහෙනම්……..,එන්න…සොදුරු සිත්මල්යායේ සැරිසරන්න………!